තවත් රාජ්ය නොවන සංවිධානයකින් අනුරාධපුරයට සහය
======================================
රාජ්ය නොවන ආයතනයක් වන Chrysalis ආයතනය විසින් අනුරාධපුර දිස්ත්රික්කයේ ක්රියාත්මක කිරිමට සැලසුම්කර ඇති ව්යාපෘතීන් පිළිබදව අනුරාධපුර දිසාපතිවරයා ඇතුලු රාජ්ය නිලධාරීන් දැනුවත් කිරීමේ වැඩසටහනක් පසුගිය දා පැවැත්විණි. රැස්වීම පැවැත්වුනේ , අනුරාධපුර දිස්ත්රික් ලේකම් කාර්යාලයේ දී යි.
2015 වර්ෂයේ ආරම්භ වූ Chrysalis ආයතනය දේශිය ආයතනයක් වශයෙන් ක්රියාත්මක වේ. කාන්තාවන් හා තරුණ තරුණියන් ගේ සංවර්ධන, ගැටුම් නිරාකරණය, සාමය යනාදීය මුලික කරගෙන මෙම ආයතනය කටයුතු කරන අතර ආහාර සුරක්ෂිතතාව ආදි කරුණු පිලිබදවත් අවධානය යොමු කරයි. ලංකාව තුල දිස්ත්රික් 17 ක් තුල මෙම ආයතනය ස්වකීය සේවාවන් පවත්වාගෙන යයි. එසේම දේශිය පමණක් නොව විදේශියව පමණක් නොව විදේශීයව ද වැඩසටහන් ක්රියාත්මක කරන මෙම රාජ්ය නොවන ආයතනය කෙටිකාලින, දිගු කාලීන ව්යාපෘතීන් කිහිපක් අනුරාධපුර දිස්ත්රික්කයේ ක්රියාත්මක කිරිමට අපේක්ෂා කරයි. මේ සදහා යුරෝපා සංගමයේ සහය හිමි වේ.
දිස්ත්රික්කය තුල ව්යාපෘතීන් ක්රියාත්මක කිරිමේ දී තොරාගන්නා ප්රාදේශිය ලේකම් කොට්ඨාස පිළිබඳව නිසි අධ්යයනයක් විද්යාත්මක ක්රමවේදයකට අනුව සිදුවිය යුතුයි. එසේම එකම කොට්ඨාසයන්ට සිමා නොවි ප්රතිලාභ ලැබිය යුතුම පිරිස් සොයාගානිම සිදුකල යුතුයි. ව්යාපෘතිය සිදුකිරිමට පහසුම තැන තෝරාගැනී නොව ම නොව අවශ්යම තැනට එම උපකාර ලැබිම තුලින් වඩාත් ඵලදායී ප්රතිඵල ලගාකර ගත හැකි බව මෙහි දි දිස්ත්රික් ලේකම් රජිත් විමලසුරිය මහතා පැවසී ය.
ව්යපෘතීන් පිළිබඳව පැහැදිලි කිරිම් සිදු කළේ , ක්රිසසලීස් ආයතනයේ ව්යාපෘති කළමණාකාර සිරාජ් මුරුගම මහතා ඇතුලු පිරිසයි.
මෙම අවස්තාව සදහා අනුරාධපුර අතිරේක දිස්ත්රික් ලේකම්වරුන් වන සන්ධ්යා අබේසේකර, ශාමිලා වික්රමආරච්චි යන මහත්මින් ඇතුළුව ක්ෂේත්රයට අදලා නිලධාරීන් පිරිසක් එක්වූහ.
