ආබාධ සහිත වූවන් සඳහා පැවැත් වූ “ සිත් රූ -2025 " සංස්කෘතික ප්රසංගයෙන් අනුරාධපුර දිස්ත්රික්කයට ප්රථම ස්ථානය
=========================================================================
2025 අගෝස්තු 05 වන දින නෙළුම් පොකුණ රඟහලේදී පැවැත් වූ "සිත් රූ 2025" ආබාධ සහිත වූවන්ගේ ජාතික සංස්කෘතික ප්රසංගයෙන් අනුරාධපුර දිස්ත්රික් කණ්ඩායමට ප්රථම ස්ථානය හිමි විය. ජනාධිපති අනුරකුමාර දිසානයක මහතාගේ ප්රධානත්වයෙන් පැවැති මෙම "සිත් රූ 2025" ප්රසංගය වසර ගණනාවකින් පසුවයි පවත්වා ඇත්තේ.අනුරාධපුර දිස්ත්රික් කණ්ඩායමට ලංකාවෙන්ම ප්රථම ස්ථානය, දෙවන ස්ථානය රත්නපුර දිස්ත්රික්කයටත්, තෙවන ස්ථානය කිළිනොච්චි දිස්ත්රික්කයටත් හිමි විය. අනුරාධපුර දිස්ත්රික් කණ්ඩායම සදහා නර්ථන පුහුණුව ජයමිනී විජේවර්ධන මහත් මිය විසින් සිදුකර ඇත.
පළාත් තරගය වලින් අනුරාධපුර දිස්ත්රික් කණ්ඩාම විශිෂ්ඨ ජයක් ලබා ගනිමින් ජාතික තරගය ජයග්රහණය කර ඇත. මේ සදහා උපදෙස් හා මග පෙන්වීම අනුරාධපුර දිස්ත්රික් ලේකම් කාර්යාලයේ මාණ්ඩලික නිලධාරින් විසින් ලබා දි තිබේ.
මෙම අවස්ථාව සදහා අනුරාධපුර දිස්ත්රික් ලේකම් රංජිත් විමලසුරිය, අතිරේක දිස්ත්රික් ලේකම් ශාමිලා වික්රමආරච්චි, අනුරාධපුර දිස්ත්රික් සමාජ සේවා නිලධාරි එස්.එන්.එච්.ටී. රත්නායක, ආබාධිත වූවන් සඳහා වූ ජාතික ලේකම් කාර්යාලයේ ලක්මිණි ලලන්තිකා හා ප්රාදේශීය ලේකම් කොට්ඨාස වල සමාජ සේවා නිලධාරීන් ඇතුලු පිරිසක් එක්වුහ.
