අනුරාධපුර වන අලි කළමනාකරණ කමිටුව රැස්වෙයි.
=================================
මිනිස්–අලි ගැටුම අවම කිරීම, වන අලි කළමනාකරණය විධිමත්ව ක්රියාත්මක කිරීම සහ ජනතාවගේ ජීවිත හා දේපළ ආරක්ෂා කිරීමේ අරමුණින් අනුරාධපුර දිස්ත්රික් වන අලි කළමනාකරණ කමිටු රැස්වීම පසුගිය (04) දින අනුරාධපුර දිස්ත්රික් ලේකම් කාර්යාලයේ දී පැවැත්විණි. මෙහි ප්රධානත්වය ගෙන කටයුතු කළේ අනුරාධපුර දිස්ත්රික් පාර්ලිමේන්තු මන්ත්රී, අනුරාධපුර දිස්ත්රික් වන අලි කළමනාකරණ කමිටුවේ සභාපති, සුසන්ත කුමාර නවරත්න මහතා යි.
මෙහි දී අනුරාධපුර දිස්ත්රික්කයේ මිනිස්–අලි ගැටුම් පවතින ප්රදේශ පිළිබඳ සවිස්තරාත්මක සමාලෝචනයක් සිදු කළ අතර, විදුලි වැට නඩත්තු කිරීම හා පුළුල් කිරීම, වන අලි ගමන් මාර්ග ආරක්ෂා කිරීම, ජනතාවගේ ආරක්ෂාව තහවුරු කිරීම සහ අදාළ රාජ්ය ආයතන අතර සම්බන්ධීකරණය ශක්තිමත් කිරීම පිළිබඳ පුළුල් ලෙස සාකච්ඡා කෙරිණි.
එමෙන්ම, ගොවි ජනතාවගේ වගාවන්ට සිදුවන හානි අවම කිරීම සහ මිනිස්–අලි ගැටුම් සම්බන්ධයෙන් කඩිනම් ප්රතිචාර යාන්ත්රණයක් ක්රියාත්මක කිරීම සඳහා ගත යුතු ඉදිරි ක්රියාමාර්ග පිළිබඳව ද අවධානය යොමු කළේ ය.
රැස්වීම අමතමින් අනුරාධපුර දිස්ත්රික් ලේකම් රංජිත් විමලසූරිය මහතා සඳහන් කළේ, මිනිස්–අලි ගැටුම අවම කිරීම සඳහා සියලුම අදාළ රාජ්ය ආයතන අතර මනා සම්බන්ධීකරණයකින් යුතුව කඩිනම් හා ප්රායෝගික ක්රියාමාර්ග ගත යුතු බවයි. ජනතාවගේ ජීවිත හා දේපළ ආරක්ෂා කිරීම මෙන්ම ගොවි ජනතාවගේ ජීවනෝපාය සුරක්ෂිත කිරීම සඳහා විසඳුම් ක්රියාත්මක කිරීමේ වැදගත්කම ද ඒ මහතා මෙහිදී අවධාරණය කෙරිණි.
මෙම වැඩසටහන සදහා ප්රාදේශීය ලේකම්වරුන් හා ප්රාදේශිය සභා සභාපති වරුන් ඇතුලු පිරිසක් මාර්ග ගත ක්රමයට මේ හා සම්බන්ධ විය.
මෙම රැස්වීමට අතිරේක දිස්ත්රික් ලේකම් සන්ධ්යා අබේසේකර, වනජීවී සංරක්ෂණ දෙපාර්තමේන්තුවේ නියෝජිතයන්, ආරක්ෂක අංශ නියෝජිතයන්, , අදාළ රාජ්ය ආයතනවල නිලධාරීන් සහ අනෙකුත් පාර්ශ්වකරුවන් සහභාගී වූහ.
